လက်ဖက်ရည်ငှက်များရဲ့ညနေ (၃)

on Tuesday, December 28, 2010

စိတ်ညစ်နေတဲ့ ရုပ်ပြောင်
ဆာလောင်နေတဲ့ ကာတွန်းတွေဟာ
‘နေရောင်ခြည်ကဖီး’ ထဲမှာ
အောက်စီဂျင် ရှာနေကြတယ်
သူတို့ ဘ၀ခရီးမှာ
မီးပြတ်, ရေပြတ်
ကားကျပ်, ဗွက်ပေါက်တဲ့ ကိစ္စ
စာမဖွဲ့လောက်တော့ပါ
ကမောက်ကမ ကျူရှင်
ကမောက်ကမ ယဉ်ကျေးမှု
ကမောက်ကမ ကုန်ဈေးနှုန်း
ကမောက်ကမ အတွေးအခေါ်
ဘယ်ဟာကို ဘေးချော်လို့
ဘယ်အရာကို ဖေးခေါ်မလဲ
ဟော့ဒီ ဖော်မိုက်ကာ စားပွဲလေးမှာ
(ကာတွန်းဆရာတွေရဲ့…
လာ- ဟူး- ကြာ စကားဝိုင်းလေ
နားထိုင်း, လက်တုန်
မျက်စိမှုန်သူ မလာရ)
တစ်စုံတစ်ရာကို ‘ကာ’ပြီး
တစ်စုံတစ်ယောက်ကို ‘တွန်း’သူဟာ
ကာတွန်းဆရာတဲ့လား
ဟာသပညာရှင်တဲ့လား
ကိုယ့်တရား ကိုယ်ဆောင်ကြ
ကိုမှောင် သိတယ်
ကိုကို စိန်ရိုး သိတယ်
သမိန်ပေါသွပ် သိတယ်
တွတ်ပီ သိတယ်
ကမ္ဘာရှား သိတယ်
နေရောင်ခြည်ထဲမှာ
ကာတွန်း ဖြစ်သွားတဲ့ သူတွေ
အားလုံး သိတယ်…။

ပြင်သစ်နိုင်ငံမှာ
ပါရီမြို့တော်ရဲ့ ညချမ်း
ကိုယ်တို့ မလွမ်းဘူး
စိန်းမြစ်ကမ်းဘေးက
ကဖေးဆိုင် ယဉ်ကျေးမှုနဲ့
ဘီယာဂါးဒင်းထဲက အနမ်း
ကျောချမ်းသလား ရှင်မရေ
‘ထင်သလိုနေ သေခဲ’ ဆိုတဲ့ ၀ါဒနဲ့
‘ငါမှ တစ်ပါး
အခြား ဘာမှ မရှိ’ …ဆိုတဲ့
အဘိဓမ္မာ အပုပ်အသိုး
ကိုယ်တို့ဆီမှာတော့ …နိုး …နိုး …
ရိုးသားတဲ့ ဘာသာဗေဒမှာ
(ရှိုးသမားရဲ့ …)
ဝါစာပေယျမျိုး မရှိ
ပကတိငြိမ်သက်နေတဲ့
လက်ဖက်ရည်ခွက်ထဲမှာတော့
ပွက်ခါနီး မုန်တိုင်းနဲ့
ရင်လှိုင်းခတ်သံ ရှိတယ်
ငြိတွယ်စရာ ဘ၀အတွက်
ရောဂါဘယတွေကို ငဲ့ကွက်ပြီး
(ဆီးချိုရောဂါရှင် … သူဟာ)
ယမကာ ဖြတ်ခဲ့ရ
အပူအစပ် ဖြတ်ခဲ့ရ
အချိုဓာတ်တွေ ဖြတ်ခဲ့ရ
ကန္တာရကို ဖြတ်သန်းရတာထက်
လက်ပန်း အကျဆုံး အခက်
ချိုပေါ့ကျ ပင်လယ်နက်
ဟောဒီ
လက်ဖက်ရည်တစ်ခွက်ပေါ့
ကြက်ဥတစ်လုံးစာ အာဟာရနဲ့
လူ့ဘ၀ကို
ထာဝရ ရှင်သန်စေဖို့ ဆိုတာ
လွယ်ပါ့မလား ရှင်မရယ်။

လမ်းဘေးမှာ ထိုင်ရတဲ့
လက်ဖက်ရည်ဆိုင် ဘာသာစကားဟာ
ခမ်းနားတဲ့ ပုံပြင်တစ်ပုဒ်တော့
မဟုတ်ဘူးပေါ့ ရှင်မရယ်
ပင်လယ်အကြောင်း ပြောနေရင်း
မိုးလေ၀သကိစ္စ ရောက်လိုရောက်
လက်ဖက်ခြောက်အကြောင်း
သောင်းပြောင်းထွေလာ ဆွေးနွေးရင်း
လက်ဖက်ခင်းတွေ တန်းစီနေတဲ့
ရှမ်းပြည်နယ်အကြောင်း ငြင်းခုန်
‘ပင်လုံ’ကို ရောက်လိုရောက်
လက်ဖက်ရည်သောက်နေရင်း
ကိုယ့်ရှေ့က မြင်ကွင်းကို အာရုံပြု
ကြက်ဥတစ်လုံးနဲ့
ရေနွေးတစ်အိုးကို ရှုမှတ်ပြီး
‘သူ့ဥကို စောင့်ရှောက်နေတဲ့
နှုတ်သီးရှည်ငှက်တစ်ကောင်’ … လို့ အမည်ပေး
အတွေးထဲမှာ ပုံဖော်
ခေတ်ပေါ်(မော်ဒန်) ပန်းပု
ကိုယ့်စိတ်ထဲမှာ ထုကြည့်ခဲ့
လူ့အဘိဓမ္မာကို
သုခိတာ တစ်ဖွာနဲ့ ရှာခဲ့ …
ကဗျာရဲ့ ညနေခင်းမှာ
ဟင်းလင်းပြင် ကမ္ဘာဘက်ကို
သစ္စာရှာဖို့ ထွက်ကြမယ်
ရှင်မ … အတူ လိုက်ခဲ့ကွယ်။

သိတယ် မဟုတ်လား
ပျားအုံခံစားမှုနဲ့ ရင်ခုန်
ဒဂုန်တာရာ ဂုဏ်ပြုခဲ့တဲ့
ပန်းနုရောင် ရသနဲ့
သဘာဝ လက်ဖက်ရည်ဆိုင်ကလေးပေါ့
လမ်းဘေးမှာ …
ဝမ်းရေးသက်သက် မဟုတ်
ဆိုင်းဘုတ်ကြော်ငြာ မရှိ
အဆောင်အယောင် အခင်းအကျင်းလည်း
အလျင်းမရှိ
သိတယ် မဟုတ်လား ရှင်မ …
ဂီတ … ရုပ်ရှင် …ပန်းချီ
ပျားအုံဆီ လာကြ
ကာတွန်း … ရုပ်ပြ … ဓာတ်ပုံ
ပျားအုံဆီ လာကြ
အညာ အကြေ မြေလတ်
စာပေရပ်ဝန်းကို ဖြတ်သွားတိုင်း
ပျားအုံဆီ လာကြ
အနုပညာလောကရဲ့
ပထမ မျိုးဆက်မှသည်
ပဉ္စမမျိုးဆက်အထိ
‘လေထန်ကုန်း’  …မှာ ရှိနေတယ်
မျက်လုံးတွေက ကြည့်နေတယ်

အဲဒီနေရာလေးမှာ
ဈေးချုပ်အပ်ထည် လာစောင့်သူ
ပညာရှိပြုံး - ပြုံးပြသူ
ဘ၀တူတွေကို ဆုံးမသူ
မစ္ဆရိယမျက်လုံးကို
ရေဘင်မျက်မှန် ဖုံးထားသူ
အနုပညာရဲ့ ပခုံးပေါ်မှာ
ဘာတာဝန်မှ မရှိဘူးလို့
ကမူးကတူး ဟစ်ကြွေးသူ
အဲဒီလို လူစား
နည်းနည်းပါးပါးလောက်တော့
ပျားအုံကို မွှေနှောက်ခဲ့ကြဖူးတယ်
သုံးဆယ့်သုံးလမ်းရဲ့
လေထန်ကုန်း အုတ်ခုံတစ်ခု
ခွေးခြေခုံ ပုပုလေးပေါ်မှာ
သဘာဝ စာရေးဆရာနဲ့
ဟာသ စာရေးဆရာရဲ့
ပျော်စရာ ရွှင်စရာ အပြုံးကို
ခရီးကြုံတုန်း မြင်းဖူးတယ်
နှလုံးခုန်သံနဲ့ ဖျော်ထားတဲ့
လေထန်ကုန်း လက်ဖက်ရည် တစ်ခွက်ကို
စွဲမက် ခံစားခဲ့ဖူးတယ်
‘လေထန်ကုန်းမှာ …
သင်ယူစရာတွေ အများကြီး
ရှိနေတယ်’ …လို့ ပြောသွားတဲ့
ဆရာတာရာရဲ့ စကား
ကျက်မှတ်ထားခဲ့ဖူးတယ်
‘မဂ္ဂဇင်း တစ်စောင်ဆိုတာ…
လေးရောင် … နှစ်ရောင်
စလစ်ဖောင်ကို ဒီလိုဝင်
စာအင်ကို ဒီလိုထားပေါ့ ‘ …တဲ့
ကိုတောက်တို့ စကားဝိုင်း
နားထိုင်းသူတောင် ကြားရမယ်
ကားသံတ၀ီဝီ
တီး-ကော်သံ ညံစီစီ
လေထန်ကုန်းညနေ မှုန်ပြာရီမှာ
ပျာကသီ နှုတ်ဆက်
လက်ဖက်ရည်ငှက်များ ပျံသန်း
တချို့ …
ပုဇွန်တောင် ယမကာတန်းကို
လှမ်းခဲ့ကြပြီ
တချို့ …
ပန်းဆိုးတန်းကမ္ဘာဘက်
ဦးတည်ထွက်ကြပြီ
သီဝရီအသစ်တွေကို
ချစ်တတ်တဲ့ ငှက်တစ်ကောင်ကတော့
အရှေ့ အနောက်
တောင် မြောက် ၀ဲယာဆီ …။


လက်ဖက်ရည်ငှက်များရဲ့ ညနေ…(၂)

on Saturday, December 11, 2010
ဘ၀ဆိုတာ
ဟိုကောင်လေး ဖျော်တဲ့
မာတိုဗာ လို
ထာဝရ ချိုအီနိုင်ပါ့မလား
မမြင်ရတဲ့ ကြမ္မာကြောင့်
ရင်ဝမှာ ဗလောင်ဆူ
ရေနွေးလို ပူလောင်ကျက်
လက်ဖက်ခြောက်လို ဖန်ခါးပေမယ့်
ကံတရားကို ရင်ဆိုင်
(အစီခံမပါတဲ့ ဒူးယားလို…)
ထူးခြားစွာ နေနိုင်ရမယ်
အားလုံး
ပြန်လည်ဆုံစည်းကြတဲ့ အခါ
ဟေမာ ရှိမယ်၊ မေခလာ ရှိမယ်
ပိုးဒါလီ ရှိမယ်၊ ကော်နီ ရှိမယ်
ထူးအိမ်သင် ရှိမယ်၊ အောင်ရင် ရှိမယ်
ရဲသွင် ရှိမယ်၊ နေမျိုးဆေး ရှိမယ်
သိတယ် မဟုတ်လား
ဘာသာစကား အသစ်နဲ့
ချစ်စရာကောင်းတဲ့ ကဗျာ
အလင်းမြှားထဲက အချစ်ရွာ …။
ဒီနေရာမှာ
ဗွီဒီယို ဘာသာစကား
ရှင်မ, ကြားရင် ဖျားသွားမယ်
နားထဲမှာ ကျိန်းသွားအောင်
တစ်သိန်း-, နှစ်သိန်း
သုံးသိန်း-, လေးသိန်း …တဲ့
ကိန်းဂဏန်းများ ခြိမ်းခြောက်
ဗွီဒီယို မင်းသားတစ်ယောက်ရဲ့
ပေါက်ဈေး
ရှင်မ, ကြားရင် သွေးလန့်မယ်
ပန်းဆိုးတန်းက
ပလက်ဖောင်းဘေးမှာ
ကိုတင်လှိုင်ရဲ့ လက်ဖက်ရည်ဆိုင်လေး
ထိုင်ခုံ သေးသေးပေါ်မှာ
ပရိုဂျူဆာကို မျှော်တာလား
ရှေ့တစ်ခေါ်ကို ကြည့်တာလား
ကိုယ် သိကျွမ်းခဲ့တဲ့ … ပိုင်သ
တစ်ခါက
ကဗျာဆရာ … ပိုင်သ
နန္ဒာအိုင်မင်းရဲ့ … ပိုင်သ
ဒါရိုက်တာ … ပိုင်သ
သူ့ဘ၀မှာ
လှပတဲ့ ရိုက်ချက်နဲ့
သွက်လက်တဲ့ ဇာတ်လမ်း
မှတ်တမ်း ကျန်ရစ်ပါစေသော်
ပန်းဆိုးတန်း ဟောလိဝုဒ်လည်း
ဘေးဥပါဒ် ကင်းဝေးစေသော် …။

လက်ဖက်ရည်ငှက်များရဲ့ ညနေ…(၁)

on Tuesday, December 7, 2010

အမျက်တွေနဲ့
အခက်မပြေတဲ့ ဒီခရီးမှာ
အသက်ရှည်စရာ နည်းဟာ
ဟောဒီ…
လက်ဖက်ရည် ကမ္ဘာကြီးပါ
ကိုယ့်အလုပ် ပြီးမြောက်ဖို့
ကိုယ့်အထုပ် ခရီးပေါက်ဖို့
တီးဟောက်စ်ကို တစ်ခါဝင်
တီးစင်တာမှ တစ်ခါမော့
တီးရှော့မှာ တစ်ခါနား
တီးဂါးဒင်းမှာ တစ်ခါထိုင်
လက်ဖက်ရည်ဆိုင် ဘာသာစကားဆိုတော့
(မသိရင်တော့…)
အာပလာတရားပေါ့ ရှင်မရယ်
ကြားချင်ရင် ချဉ်းကပ်
နပ်ချင်ရင် လေ့လာ
ရှာချင်ရင် အနီးလေး
ရှင်မ…ဘာကားကို ရွေးမလဲ
ဟောဒါ လမ်းဘေးကားပွဲစားတန်း လေ
ဆန်းဘဒ်ကို စီးမလား
ဟိုင်းလပ်, လင်(န်)ဆာ
တိုယိုတာ, ဆူပါဆလွန်း
အဲယားကွန်းပါတဲ့ ဒိုင်နာ
ပါဝါစတီယာရင် ပါတဲ့
ကော်ရိုနာ - ဗင်
ပတ်ဗလစ်ကာ, ဆန်နီ
မစ်ဆူဗီရှီ, ကာနီယာ
လိုချင်တာ အမြန်ဆုံးဖြတ်
အရှေ့မြောက် နယ်စပ်ဂယက်ကြောင့်
ဒီမှာ ကားဈေးတွေ တက်နေတယ်
အိပ်မက်က လန့်နိုးရင်တော့
ရှင်မရယ်…
တစ်ကျပ်ကားတိုးပြီး ပြန်ကြမယ်။