ကျိုက်ကေသာ ရွှေဆံတော်ဘုရား တောင်မြေကို
ဖိုထဲမှာ နှစ်ပေါက်အောင် သိုလှောင်ထား
ကမ်းနားမြေနက် မွမွကို
ရေနဲ့ သမပြီး တစ်ညသိပ်
စက်နဲ့ အမှုန့်ကြိတ်ပြီး မြေသားကို
ရွှံ့လှောင်ကန်မှာ ထည့်ထား
ပြီးတော့မှ …
အချိုးအစား ကျကျနဲ့
အိုးသားလှလှ ဖြစ်အောင်
ရွှံ့နှစ်တုံးကို လက်နဲ့လှီး
ဘီးစကြာပေါ်မှာ လက်နဲ့ပြုပြင်
ခရု, မဲတံ, ဖင်လှီးတံနဲ့
လက်နှီးကို ရေဆွတ်ပြီး
ဘီးပေါ်မှာ မွတ်နေအောင် လည်နေတဲ့
ရွှံ့မြေတုံးကို
လူသုံးကုန် အိုးပစ္စည်း
အမျိုးမျိုးဖန်တီးခဲ့ကြ
ဒီလိုနဲ့ ပြီးရောတဲ့လားကွယ်
ခပ်လွယ်လွယ် အလုပ်ဆိုတာ
အိုးတစ်လုံးရဲ့ အတ္ထုပ္ပတ္တိ မဟုတ်
အနက်ထည်လုပ်ဖို့ စဥ့်ခဲကိစ္စ
ရှမ်းပြည် ဟဲဟိုးကို သွားဝယ်ရ
ရှားပါးတဲ့ ထင်းမီးအရေး
တွံတေး တောကြီးတန်းနဲ့
ငှက်အော်စမ်း ဘေးနားမှာ
အပြေးအလွှား ရှာဖွေရ
‘ကလေဖို’ ကြီးကြီးနဲ့
‘မြေစိုက်ဖို’ မီးရဲရဲမှာ
အိုးဖုတ်သူတွေရဲ့ အသည်းနှလုံးဟာ
ကျွဲပခုံးလို မာကြမ်းခဲ့ပြီ
သား ရွှေအိုး ထမ်းလာတာကို
မြင်ချင်ရှာတဲ့ … အမေ
ခုတော့ … ခဏနေပါဦး
အမေ့သားရဲ့ တစ်နေ့တာ ၀င်ငွေဟာ
တစ်ရာကျော်ကျော် ရှိပေမယ့်
သိတယ်မဟုတ်လား အမေ
ငွေကမ္ဘာ အရှာမတတ်လို့
အမေ့မြေးကလေး ‘ သာထပ်’ ဟာ
စာငတ် … ဘာငတ်နဲ့ပေါ့
အနာဂတ်မမြင်သေးဘူး အမေ …။
အပေါ်ယံလွှာ ကွက်ကြည့်ပြီး
အနီထည်နဲ့ အနက်ထည်နှစ်မျိုးကို
‘ အိုး’ …လို့ ခေါ်မယ်ဆိုရင်တော့
သိပ်လွယ်တာပေါ့ ရှင်မရယ်
တကယ်မြင်ရတဲ့ အခါမှာ
ကမ္ဘာကြီးဟာ
ကဗျာမဆန်တော့ပါဘူး
နေပူခံ အခြောက်လှန်းပြီးမှ
(နှစ်နေနဲ့ နှစ်ည မီးသွင်း)
ကလေဖိုကြီးရဲ့ မီးပြင်းပြင်းမှာ
(တစ်နေ့နဲ့ တစ်ည မီးမြှိုက်)
မြေစိုက်ဖိုကြီးရဲ့ မီးရဲရဲမှာ
မကွဲမအက်အောင် အိုးဖုတ်ကြ
စိတ်ဝင်အိုး ၀တုတ်တုတ်ကြီးတွေ
ငရုတ်ဆုံ အ၀ ကျယ်ကျယ်တွေ
ပလုံတုံအိုး ပုပုလေးတွေ
ဘုမပါတဲ့ ဆုံရိုးကြီးတွေ
ဘုံဘိုင်အိုး, သောက်ရေအိုး
ပန်းအိုးနဲ့ ရေတကောင်း
တင်းဝင်တောင်း, စိတ်တောင်း
မနှဲတောင်း, စကတောင်းနဲ့
နှစ်ပြည်ဝင်တောင်းတွေ တောင်လိုပုံ
ဗေဒါဆုံတွေ အထပ်ထပ်
ဆုံလတ်, ဆုံသေးတွေကို
စဥ့်ချော်ရည်နဲ့ ဆေးသုတ်
အနက်ထည်လုပ်ပြီး ဈေးကွက်ရှာ
အိုးရဲ့ အနာအဆာကို ကြည့်ရှု
မီး အနု, အရင့်ကို ခွဲခြားပြီး
ပထမတန်းစား
ဒုတိယ တတိယတန်းစား သတ်မှတ်
ဒေးဒရဲ, ဖျာပုံ, ကျိုက်လတ်နဲ့
အင်းစိန်ကို သမ္ဗန်ခတ်ပြီး ပို့ကြ
ကတ္တူလှေကြီး အသွယ်သွယ်နဲ့
ရေး, မြိတ်, ထားဝယ်ကို ပုိ့ကြ
ဒီလိုနဲ့ သူတို့ဘ၀
လှပသွားပြီ ထင်သလား
ကုန်သည် ပွဲစား ဟော်တယ်သွား
အိုးလုပ်သားတွေ ထန်းရည်ခါး။
ငရုတ်ဆုံလေးတွေ အစီအရီ
သူတို့ အမည် သညာကို
‘ဗေဒါဆုံ’ လို့ ခေါ်တွင်ကြ
ရှင်မနဲ့ ရင်းနှီးတယ်မဟုတ်လား
မီးဖိုချောင်ရဲ့ ဘက်တော်သားလေ
ငရုတ်,ကြက်သွန်ကို ကြိတ်ဝါးသတဲ့
ရှင်မ,စိတ်ဝင်စားတယ် မဟုတ်လား
(ဒါပေမယ့် …)
လက်တွေ့မှာ စိတ်လှုပ်ရှား
ငရုတ်,ကြက်သွန် ဈေးကစားလို့
ငရုတ်ဆုံလေး အနားယူခဲ့တာ
ကြာခဲ့ပြီလေ …
ဟောဒီ့ အိုးလုပ်နေတဲ့ မိသားစုမှာ
ထုထောင်းစရာ
ငရုတ်နဲ့ ကြက်သွန်ဗလာ
ဗေဒါဆုံ မလို
သောက်ရေအိုး မလို
အိုးလုပ်တဲ့ တဲအိုအိုကြီးထဲမှာ
ဖြစ်သလိုနေ,ဖြစ်သလိုစား
ဖြစ်သလို ဖျား,ဖြစ်သလို နားခဲ့ကြ
ခ၀ါသည်နဲ့ အိုးသည် ပုံပြင်မှာ
အိုးထိန်းသည်ဟာ ယုတ်မာသူလား
ဆင်မည်းကို ဖြူအောင်လုပ်ချင်တဲ့
ဘုရင်ကြီးရဲ့ စိတ်ကူး
ရူးသွပ်တဲ့ အကြံဟာ တရားခံလား
အမှန် -အမှားကို ခွဲခြားလို့
အိုးဖုတ်တဲ့ အိုးလုပ်သားတွေ
မလွဲမှားအောင် ဖြေနိုင်တယ်
တကယ်လုိ့သာ
ခ၀ါသည်နဲ့ အိုးထိန်းသည်တို့ဟာ
ဉာဏ်ပညာမရှိတဲ့ ဘုရင်ကြီးရဲ့
မပြီးနိုင်တဲ့ ကိစ္စနဲ့
မရနိုင်တဲ့ အဖြစ်ကို
အစစ်အမှန်အတိုင်း ရင်ဖွင့်
လျှောက်တင်ခွင့် ရှိခဲ့မယ်ဆိုရင်
… …ဆိုရင်ပေါ့လေ။
