[ ကျွန်မတွင် ‘အိမ်’ မရှိတော့ပြီဖြစ်၍
သူများတွေ၏ ကိုယ်ပိုင်အိမ်တွေကို စိတ်ဝင်စားလျက်
ရှိပါသည်။ သမီး၏သူငယ်ချင်း နာမည်ကျော် စာရေး
ဆရာမလေး ‘ဂျူး’ကတော့ ကိုယ်ပိုင်တိုက်လေး
တစ်ခန်းဝယ်ရန် ကြိုးစားမည်တဲ့ …]
(ခင်ဆွေဦး ‘တကယ်ချဉ်တယ်’ …၀တ္ထုတို၊ ရင်ထဲငြိမ်းမဂ္ဂဇင်း၊ နိုဝင်ဘာ ၉၂-မှ)
‘ကမ္ဘာကြီးဟာ …
သီးခြား လှပနေသော်ငြား
‘လူသား’ဟု ခေါ်တွင်သော
ရောဂါတစ်ခု စွဲကပ်နေသည်’ …တဲ့
၁၉ရာစု ဂျာမန်တွေးခေါ်ရှင်
နီယက်ရှေးရဲ့ လောကအမြင်ကို
ဆန့်ကျင်ခဲ့တဲ့ လူဟာ (သူပေါ့)
အခုကျတော့ …
ဒုက္ခနဲ့တည့်တည့်တိုး
အိုးတစ်လုံး-ဖျာတစ်ချပ်နဲ့
အိမ်ခန်းရှာဖို့ ကမ္ဘာပတ်
ကဗျာဓာတ်တွေ ပြတ်တောက်သွား
မတ်စောက်တဲ့ ချောက်ကမ်းပါးမှာ
အိမ်ရှင်,အိမ်ငှားပြဿနာ
စဘော်ငွေ ပြဿနာ
အိမ်လခ ပြဿနာ
ရေပြဿနာ, မီးပြဿနာ
ဓာတ်ကြီးလေးပါး၊ ဈေးစကားပြော
ကြေးများသော ပြဿနာ
နွေကမ္ဘာမှာ၊ မြေတစ်ဖျာလောက်
နေစရာပျောက်တဲ့ ပြဿနာ
မတတ်သာလို့ လူလာဖြစ်
ဟို … ကျောက်ခေတ်လူသားကို
သူ,အားကျနေတာ ကြာပြီလေ …။
လူ့ဘ၀ကို ရတုန်းရခိုက်မှာ
အမြိုက်သုခတွေ ခံစား
ကံတရားကို အသာစီးယူ
ပူပင်ကြောင့်ကြမဲ့ ဘ၀နဲ့
လှပတဲ့ လက်ဖက်ရည်ဆောင်
ရွှေအိုရောင် ဧည့်ခန်း
ဆန်းပြားတဲ့ ပန်းခုံတော်
ဖျော်ဖြေမှု ပွဲကြည့်စင်
ဥယျာဉ်နဲ့ ရေကန်
ကြာပွင့်ခံ သလွန်ညောင်စောင်းမှာ
အကောင်းဆုံးတွေ ဆင်သပြီး
ရှင်မကို ထားချင်တယ် …
မွန်ဂိုဘုရင် ဧကရာဇ်
ကူဗလေခန်ရဲ့ ရွှေခေတ်က
ခန်ဘာလစ် နန်းတော်လို
ဆော်လမွန်ဘုရင်ရဲ့
လိဗနွန် နန်းတော်လို
မျှော်စင်,ပြာဿဒ်, တံတိုင်း
ရေကျုံးပတ်လည် ၀ိုင်းရံ
မှန်စီရွှေချ အခြယ်အမှုန်းတွေနဲ့
မင်းတုန်းဘုရင်ရဲ့ နန်းတော်လို
အပျိုတော် အခစားတွေနဲ့
ရှင်မကို အလှထားချင်တယ် …
မက်ဆိုပိုတေးမီးယား ဗိသုကာ
မိုင်နိုယန် ဗိသုကာ
ဂရိ ဗိသုကာ
ရောမ ဗိသုကာ
အလယ်ခေတ် ဗိသုကာ
ဂေါ့သစ် ဗိသုကာ
ရီနေးဆန့် ဗိသုကာ
စိနဗေဒ ဗိသုကာ
နှစ်ဆယ်ရာစုရဲ့
မော်ဒန် ဗိသုကာ အတတ်နဲ့
ရင်သပ်ရှုမောဖွယ် တည်ဆောက်
နတ်ပြည်ခြောက်ထပ်ကို မဖြုံ
စပိန်ပုံစံ အိမ်ကလေးကို
အပိုဆု လက်ဆောင်ပေးမယ်
ရှင်မ ကြိုက်ရာ ရွေးချယ်ပါ
နှစ်သက်ရာမှာ စံစားပါ
အိပ်မက်ထဲမှာ အိမ်များစွာ …။
‘အိမ်’ …ဆိုတာ
အမိုး,အကာ, အခင်း
လေညင်းခံ ပြတင်းတံခါး
ခြံဝင်းနဲ့ ကားဂိုဒေါင်
အိမ်ခေါင်မှာ တီဗွီတိုင်
တတ်နိုင်သလောက် တည်ဆောက်
မိုးတိမ်ကို ဖောက်မလား (ရတယ်)
စက်လှေခါး တပ်မလား (ရတယ်)
လေအေးစက် ထားမလား (ရတယ်)
အပြောက်အမွမ်း ခြယ်မလား (ရတယ်)
ဂဲသြမေထရီပုံစံလား (ရတယ်)
အသံလုံစက် ထည့်မလား (ရတယ်)
အော်တိုဖုန်း လုပ်မှာလား (ရတယ်)
အုတ်နဲ့လား သံနဲ့လား
မှန်နဲ့လား ပလပ်စတစ်လား
သစ်နဲ့လား ၀ါးနဲ့လား
အားလုံးဖြစ်တယ် ရှိပါတယ်
သူ့မှာ မရှိတာ တစ်ခုက
ဗိသုကာ ပညာရှင်မဟုတ်
ဆောက်လုပ်ရေး အင်ဂျင်နီယာ မဟုတ်
ထုံး,ကျောက်,သံ,သဲ မဟုတ်
သွပ်,ဘိလပ်မြေ,အင်္ဂတေပြား မဟုတ်
ဆက်တီ, ဆိုဖာ, ကတ္တီပါ မဟုတ်
လျှပ်စစ်မီး ပန်ကာနဲ့
သံဆန်ကာလည်း မဟုတ်
ကန်သာယာနဲ့ ဥယျာဉ်ခြံမြေ မဟုတ်
ဗေဒင် ဟူးရား
ပုဏ္ဏား ပုရောဟိတ်တို့ရဲ့
အတိတ် နိမိတ် အယူအကောက်
အိမ်သစ်ဆောက် မင်္ဂလာ မဟုတ်
သူ…မရှာနိုင်တာ တစ်ခု
သူ…သူမပြုနိုင်တာ ဧကန်
သူ…မကြံနိုင်တဲ့ အလုပ်ကို
မျက်မှောင် မကြုတ်ပါနဲ့ကွယ်
ရှင်မ-နားလည်စေချင်တယ်။
0 comments:
Post a Comment