စဘော်,စရံ…ဆိုတဲ့
အိမ်ရှင်ရဲ့ အသံကိုကြောက်
အပျောက်,အပြတ်နဲ့
အောက်ထပ်,အပေါ်ထပ်ကိစ္စ
သူ, စိတ္တဇဖြစ်နေတာ ကြာပြီ
‘ရေခဲရေ သောက်ချင် ဒီကိုလာ …
အိမ်လိုချင်ရင် ဟိုကိုသွား’ …တဲ့
တီဗွီကြော်ငြာထဲက စကား
သူ့ကို သရော်တာလားကွယ်
ခိုအိမ်လေးတွေကို အားကျ
ပျားတွေရဲ့
အိမ်ဖွဲ့တဲ့ လုံ့လကို နည်းယူ
မီးအပူမကြောက်တဲ့ ပလူကောင်ဟာ
အိမ်ရှာရင်း အတောင်ကျွတ်
အိမ်မြှောင်ကို လွတ်အောင်ရှောင်
အိမ်ဆာလောင်ရင် ဂနာမငြိမ်
အိမ် … အိမ် … အိမ်…အိမ် …
အိမ် … အိမ် … အိမ်…အိမ် …
ဘယ်လို အိမ်ကို မှန်းလို့
ဘယ်လို အခန်းကို ရွေးချယ်မလဲ
သူ့အတွေးနယ်ထဲမှာတော့
ပွဲထဲက ၀န်ကြီးအဆောင်အယောင်နဲ့
မြို့လည်ခေါင်မှာ မောင်းခတ်
အရပ်တကာမှာ ကြော်ငြာလွှင့်လို့
အိမ်ရှာပုံတော် ဖွင့်ရရင်
ရှင်မ … လှောင်ပြောင်မှာလား
ဟောင်ကောင်ပုံ တိုက်ပါးပါးလေးကို
ဒေါ်လာနဲ့ အပြတ်ငှားပြီး
ခပ်ကြွားကြွား နေပြရင်
ရှင်မ … ရယ်ချင်ဦးမှာလား
အို … သနားကြင်နာတော်မူပါ့
မမြင်ရတဲ့ တန်ခိုးရှင်ငဲ့ …
ဟော့ဒီ မိုးကောင်းကင်ကြီးအောက်က
အိမ်ပျောက်နေတဲ့ ‘လူ’တစ်ယောက်ကို
ကူထောက်ပံ့ပိုး သင့်တန်ခိုးနဲ့
အမိုးအကာပါရုံ အိမ်ကလေး
ဖန်ဆင်းပေးတော်မူပါ အရှင်
… …
(အာမင် …) လို့ပဲ ဆိုလိုက်ချင်။
ဆူးလေစေတီကို ဗဟိုပြု
မြို့ပြလူမှု အဆောက်အအုံမှာ
အသိုက်အမြုံနေစရာတစ်ခန်း
အိပ်မက်ထဲမှာ မှန်းခဲ့တယ်
မိသားစု ကျန်းမာရေး
လူမှုဘ၀ လှပရေး
ကုသရေး,ကာကွယ်ရေး
ပညာရေး,ပျော်ရွှင်ရေး
ပတ်ဝန်းကျင်သန့်ရှင်းရေး
အတွေးအခေါ်မှန်ကန်ရေး
ရှင်မကို အကြံပေးမယ်
ရုံး,ဈေး,ဆေးရုံ,ကျောင်း
အားလုံးပေါင်းလိုက်တော့
နေလုိ့ ကောင်းသွားမှာပေါ့ကွယ်
စိတ်ညစ်စရာတွေထဲမှာ
အိမ်ခန်းရှာရတဲ့ ဒုက္ခဘေး
စဘောဈေးကြီးတဲ့ ဒုက္ခဘေး
အိမ်လခဘေး ဒုက္ခဘေး
ဝဋ်ကြွေးရှိလျှင် ပြေစေချင်ပြီ
ကြည့်လေ … ရှင်မဖို့
လှပတဲ့ ဧည့်ခန်းမှာ
တီဗွီ,ကက်ဆက်,ပန်ကာ
ဂစ်တာတစ်လက်,ဆက်တီတစ်စုံ
ရေ မီး အစုံအလင်နဲ့ပေါ့
ဘုံတစ်ခွင်မှာ
ဂုဏ်အင် မသိမ်ငယ်စေရ
သိင်္ဂါရအပြုံးကို
တိမ်လွှာတစ်စ မဖုံးစေရ
(ခုတော့ ခဏနေဦး)
ရှင်မ … နည်းနည်းသည်းခံ
ညည်း … ကလန်ကဆန် မလုပ်နဲ့
ညည်း … မျက်စောင်းမထိုးနဲ့
အားလုံးကောင်းသွားမှာပေါ့
နေလို့ ကောင်းသွားမှာပေါ့
နော့် … ရှင်မရယ်…။
အသိုက်အမြုံ အလုပ်ဆိုတာ
အမှိုက်ပုံ ရှုပ်သလိုတော့
မဟုတ်ဘူးပေါ့ ရှင်မရယ်
‘မနုဿတ္တ ဒုလ္လဘကို၊
အရတော်စွာ ဤအခါ၌’ …တဲ့
မဃဒေ၀ လင်္ကာသစ်
တစ်ခါတရံ သံသယဖြစ်မိ
ခေါစာမပစ်နိုင်လို့
ရောဂါဖြစ်နေရသူ
အိမ်ရှာမရလို့
တိမ်လွှာတိမ်စလို လွှင့်မျောသူ
‘ဟောဒီ ကမ္ဘာမြေကြီးဟာ
မြေခွေးကို လိုက်ဖို့
ဖန်ဆင်းထားတာ မဟုတ်ဘူး
အခြားသော ရင်းမြစ်ရတနာများကို
ရှာဖွေရန်
ဖန်ဆင်းထားခြင်း ဖြစ်တယ်’ … ဆိုတဲ့
‘ဂျွန်ရပ်စကင်း’ ရဲ့ ဟောပြောချက်
အိမ်ခန်းရှာရင်း အလွတ်ကျက်သူ
မြို့စွန်ရပ်ကွက် ဇနပုဒ်မှာ
တဲအိမ်ကုပ်ကုပ်လေးငှားပြီး
လူသားတို့ ထုံးစံတရားအရ
မယားနဲ့သားကို ထားနိုင်ဖို့
သွေးအားတွေ ဖျစ်ညှစ်ထုတ်
အရိုးအဆစ်တွေ ပြုတ်သွားအောင်
ခံစား…
သူ စုဆောင်းထားတဲ့ ရတနာအထုပ်
သူ့ စာအုပ်တွေကို ထုခွဲ
သူ့ အသည်းနှလုံးကို အန်ချ
အိမ်ခန်းလေး အမြန်ရအောင်
ကြံဆရတဲ့ အလုပ်ဟာ
သန္တရသ အက်ဆေးတစ်ပုဒ်တော့
မဟုတ်သေးဘူး ရှင်မ
ရွှင်ပျနေတဲ့ ကမ္ဘာကြီးဟာ
သူ့ အိမ်ဂေဟာ မလှရုပ်ကြောင့်
လ ငပုပ်ဖမ်းသလို
ညိုမှောင်သွားမယ်ဆိုရင်
အားနာပါတယ် ကမ္ဘာကြီးရယ်။
တဲ တံခါးမှာ
ကဲလား ထောက်စရာမလို
သူရဲခို,သူရဲပြေး မလို
ဗဟိုစည် မျှော်စင်မလို
တော်ဝင်ပြဿာဒ် မလို
ဆက်သွယ်ရေး ဂြိုဟ်ထု မလို
မိုက်ခရိုဝေ့ မလို
(တစ်နေ့တာ ရှာရတဲ့
အသပြာတစ်စနဲ့
တစ်နေ့စာ အာဟာရတစ်ဖက်
ပါစက ဓာတ်တော့လိုအပ်တယ်)
ဖြစ်သလိုနေ-ဖြစ်သလိုစား
ဖြစ်သလိုသွား-ဖြစ်သလိုပြန်
လောကဓံကို အန်တု
အဆင်မပြေမှုတွေနဲ့
အဆင်ပြေအောင် ဆက်ဆံရင်း
‘မနက်ဖြန်ပျားရည်’… အရှာထွက်တော့
တမာရွက်ဖျော်ရည် ခါးခါးတစ်ခွက်
အသက်အောင့်ပြီး သောက်ခဲ့ရ
တောက်…
မသက်သာဘူး ရှင်မရေ …
စလေ ဦးပုညရဲ့
ကာက ၀လိယ မောင်နှံပမာ
‘အကာမှာ ဆူးခက်
အင်ဖက်အမိုး၊ ကျူရိုးတိုင်ထူ
နေပူကျဲကျဲ၊ ၀က်သိုက်တဲတွင်
အုတ်ခဲခေါင်းအုန်း၊ အိုးတစ်လုံး ဖျာမရှိ
ဘူမိကမ္ဗလာ၊ မြေမွေ့ရာမှာ
ချူချာတော် မူလှသော်’ …တဲ့
ပြောဖို့လိုသေးလား အချစ်ရယ်
စိတ်ညစ်တယ်ဆိုတဲ့ စကား
ဟို … ကာက ၀လိယ လင်မယား
ကြားသွားရင်
ဖျားသွားမယ် တိုးတိုးပြော
မမောချင်တော့ဘူး ရှင်မရယ်။
‘လူ့ဘ၀မှ
ဝေးလာသည်နှင့် အမျှ
သစ္စတရားနှင့် နီးလာခဲ့ပြီ’…တဲ့
မနာမီ, မသေမီမှာ
လူတွေကို ဖီလာပြု
လူမှုအသိုက်အအုံကို
မယုံကြည်တဲ့စိတ်ဓာတ်
ဆော့ခရတ္တိရဲ့ တရားကို
သူ ခါးသီးစွာ ငြင်းဆန်ရင်း
ကံကြမ္မာကို တင်းခံအန်တုခဲ့
စစ်ကြိုခေတ် ၀တ္ထုထဲက
လူ့ဘ၀ဆိုတာ
ဒုက္ခတွေနဲ့ ရင်ဆိုင်ပြီးရင်
သူဌေးကြီးတစ်ဦးက ကယ်တင်
(ဒိလိုမှ မဟုတ်ခဲ့ရင် …)
ရုတ်တရက်အမွေတွေရပြီး
ပျော်ပျော်ကြီးဇာတ်သိမ်း
အိမ်း … ကောင်းလေစွ … ကောင်းလေစွ
သူ့ရုပ်ဘ၀မှာတော့
ဒုက္ခဇာတ်ဝင်ခန်းတစ်ခု
ဘယ်သူမှ မှတ်တမ်းမပြု
သူ့အိပ်ခန်းကျဉ်းလေးထဲမှာ
ရေနွေးတစ်အိုးနဲ့
ရိုးသားစွာ ဖတ်ရတဲ့
တကယ့်ဖြစ်ရပ်မှန် ၀တ္ထုပေါ့
အခုလို အချိန်မှာတော့
စည်းစိမ်ဥစ္စာဆိုတာ … ဘာလဲ
သူ့ စာအုပ်စင် ဖရိုဖရဲနဲ့
မှိုနံ့စွဲနေတဲ့
တဲအိမ်အိုကလေးထဲမှာ
‘မအိုဆေးစာသူများ’ …တဲ့
စိတ်နဲ့ ရေးထားတဲ့ ပန်းချီကား
သူ့ နှလုံးသား ရွှေစင်အတိကို
ရှင်မ … သိတယ်မဟုတ်လား
ရှင်မ … နားလည်နိုင်စေသား။ ။
0 comments:
Post a Comment